पसिनाको मूल्य खोज्दै सडकमा उखु किसान

माघ महिनामा रोपिएको उखु करिब १८ महिना लगाएर तयार हुन्छ । एक बिघामा २ देखि ३ लाख रुपैयाँ लगानी लाग्छ । यो लगानी उठाउन डेढ वर्ष कुर्नुपर्छ । तर, पाउनुपर्ने पसिनाको मूल्‍य दुई वर्षसम्म पनि पाइँदैन । नेपाल उखु उत्पादक महासंघका केन्द्रीय अध्यक्ष राजकुमार उप्रेतीका अनुसार उखु किसानले एक अर्ब ५५ करोड बक्यौता अनुदान (प्रतिक्विन्टल ७० रुपैयाँ) भुक्तानीका लागि ३० वर्षदेखि निरन्तर संघर्ष गर्दै आएका छन् ।